నీటి సంక్షోభానికి కూటమి ప్రభుత్వమే కారణం

ఎల్‌నినో ప్రభావంతో నీటి సంక్షోభం ముందస్తు నీటి నిర్వహణలో ప్రభుత్వం విఫలమైంది గోదావరి జలాలను సమర్థంగా వినియోగించి ఉంటే రైతులు, ప్రజలకు ఇంత ఇబ్బంది ఉండేది కాదుఎల్‌నినో ప్రభావంతో రాష్ట్రవ్యాప్తంగా వర్షపాతం గణనీయంగా తగ్గి, రైతులకు సాగునీరు, ప్రజలకు తాగునీటి సమస్యలు తలెత్తుతున్న పరిస్థితి అత్యంత ఆందోళనకరంగా ఉంది. అధికారిక గణాంకాల ప్రకారం రాష్ట్రంలో వర్షపాత లోటు తీవ్రంగా నమోదవుతున్న నేపథ్యంలో ప్రభుత్వం ఇకనైనా యుద్ధప్రాతిపదికన నీటి నిర్వహణ చర్యలు చేపట్టాలి.జూన్, జూలై నెలల్లో ఎగువ ప్రాంతాల్లో కురిసిన వర్షాలతో గోదావరి నదికి భారీగా వరద ప్రవాహాలు వచ్చిన సమయంలో, ఆ నీటిని భవిష్యత్ అవసరాల కోసం మరింత సమర్థంగా నిల్వ చేసి, అందుబాటులో ఉన్న ప్రాజెక్టులు–కాలువల ద్వారా కృష్ణా, రాయలసీమ ప్రాంతాలకు తరలించే అవకాశాలను ప్రభుత్వం ముందుగానే పరిశీలించి ఉండాల్సింది.ప్రశ్న ఏమిటంటే—వర్షాభావ పరిస్థితులు వస్తాయని ముందుగానే హెచ్చరికలు ఉన్నప్పుడు ప్రభుత్వం ఎంతమేర ముందస్తు నీటి నిర్వహణ ప్రణాళికను అమలు చేసింది?గోదావరిలో నీరు అందుబాటులో ఉన్న సమయంలో పట్టిసీమ, పోలవరం, కృష్ణా అనుసంధాన వ్యవస్థలు, హంద్రీ–నీవా వంటి ప్రాజెక్టుల సామర్థ్యాన్ని పూర్తిస్థాయిలో ఉపయోగించి ఉంటే, ప్రస్తుతం రైతులపై పడుతున్న సాగునీటి ఒత్తిడిని కొంతవరకు తగ్గించే అవకాశం ఉండేది కదా?ప్రభుత్వం ఇప్పుడు కేవలం రైతులను “తక్కువ నీరు అవసరమయ్యే పంటలు సాగు చేయండి” అని సూచించడం సరిపోదు. ఇప్పటికే పెట్టుబడులు పెట్టి, పంటలు వేసిన రైతులకు నీటి భద్రత, ప్రత్యామ్నాయ పంటలపై స్పష్టమైన కార్యాచరణ, పంట నష్టపరిహారం, తాగునీటి భద్రతపై ప్రభుత్వం తక్షణమే స్పష్టమైన ప్రణాళిక ప్రకటించాలి.రాష్ట్ర వ్యాప్తంగా తాగునీటికి మొదటి ప్రాధాన్యత ఇచ్చి, గ్రామాలు–పట్టణాల్లో ముందస్తు నీటి సరఫరా ప్రణాళిక రూపొందించాలిగోదావరి, కృష్ణా, పెన్నా జలాల లభ్యతను రోజువారీగా సమీక్షించి, అందుబాటులో ఉన్న నీటిని అత్యవసర ప్రాంతాలకు శాస్త్రీయంగా కేటాయించాలి.రిజర్వాయర్లు, చెరువులు, కాలువల్లో అందుబాటులో ఉన్న నీటిని వృథా కాకుండా సంరక్షించాలి.ఇప్పటికే సాగు ప్రారంభించిన రైతుల పరిస్థితిని మండలాల వారీగా అంచనా వేసి, సాధ్యమైన చోట సాగునీరు అందించే అత్యవసర కార్యాచరణ చేపట్టాలి.తాగునీటి సమస్య ఏర్పడే గ్రామాలను ముందుగానే గుర్తించి ట్యాంకర్లు, ప్రత్యామ్నాయ నీటి వనరులు, బోర్‌వెల్‌ల ద్వారా అత్యవసర సరఫరా ఏర్పాటు చేయాలిఎల్‌నినో వంటి వాతావరణ పరిస్థితులు భవిష్యత్తులో కూడా రావచ్చనే విషయాన్ని దృష్టిలో పెట్టుకుని, ఆంధ్రప్రదేశ్‌కు శాశ్వత నీటి భద్రత ప్లాన్ రూపొందించాలిప్రజలకు నీరు, రైతులకు సాగునీరు అందించడం ప్రభుత్వం యొక్క ప్రాథమిక బాధ్యత. వర్షాలు పడినప్పుడు నీటిని ఎలా నిల్వ చేయాలి? వర్షాలు తగ్గినప్పుడు ఆ నీటిని ఎలా సమర్థంగా వినియోగించాలి?
అనే రెండు అంశాలపై ప్రభుత్వం దీర్ఘకాలిక ప్రణాళికతో ముందుకు రావాలి.ప్రస్తుత పరిస్థితిని రాజకీయ విమర్శలకు మాత్రమే పరిమితం చేయకుండా, ప్రజలు రైతుల ప్రయోజనాల కోసం ప్రభుత్వం వెంటనే అఖిలపక్ష సమావేశం నిర్వహించి నీటి పరిస్థితిపై శ్వేతపత్రం విడుదల చేయాలని రాష్ట్ర ప్రజల పక్షాన డిమాండ్ చేస్తున్నాను.రైతుకు సాగునీరు, ప్రజలకు తాగునీరు, ప్రతి చుక్క నీటికి సమర్థ వినియోగం ఇదే ప్రభుత్వ తక్షణ బాధ్యత.అమానుల్లా.సోషల్ వర్కర్ హిందూపూర్