లిటిల్ స్టార్లా మెరిసింది!” – బ్లాక్ డ్రెస్‌లో అర్హ ఫోటోలు హల్‌చల్‌

సాక్షి డిజిటల్ న్యూస్ :అల్లు స్నేహా రెడ్డి షేర్ చేసిన ఫోటోలు సోషల్ మీడియాలో వైరల్‌గా మారాయి. హాలోవీన్ థీమ్‌కి తగ్గట్టుగా మంత్రగత్తె లాంటి బ్లాక్ ఔట్‌ఫిట్‌లో, పొడవాటి టోపీతో, కంటి దగ్గర చిన్న సాలీడు పెయింట్‌తో కనిపించింది అల్లు అర్హ. ఈ లుక్‌ చూసిన నెటిజన్లు “అందమైన చిన్న మంత్రగత్తె”, “మినీ స్టైల్ ఐకాన్” అంటూ కామెంట్లు పెడుతున్నారు. స్నేహా షేర్ చేసిన ఇన్‌స్టా స్టోరీస్‌లో అయాన్ కూడా ఫన్నీ మాస్క్‌ ధరించి సిస్టర్‌తో కలిసి హాలోవీన్‌ ఎంజాయ్ చేస్తున్నట్లు కనిపించాడు. ఈ ఇద్దరు స్టార్ కిడ్స్ ఫోటోలు ఇప్పుడు సోషల్ మీడియాలో చక్కర్లు కొడుతున్నాయి. గతంలో గుణశేఖర్ దర్శకత్వంలో వచ్చిన శాకుంతలం సినిమాలో చిన్న భరతుడి పాత్రతో అల్లు అర్హ ప్రేక్షకులను ఆకట్టుకోంది. అప్పటి నుంచి ఆమెకు ప్రత్యేక ఫ్యాన్‌బేస్ ఏర్పడింది. ఇక అల్లు అర్జున్ మూవీ అప్ డేట్స్ చూస్తే.. కొద్ది రోజుల క్రితం “పుష్ప 2: ది రూల్” తో ప్రేక్ష‌కుల‌ని ప‌ల‌క‌రించి మంచి విజ‌యం సాధించాడు. ఇప్పుడు అట్లీ దర్శకత్వంలో తన 22వ చిత్రాన్ని చేస్తున్నాడు. ఇందులో దీపికా పడుకొనే హీరోయిన్‌గా నటిస్తుండగా, సన్ పిక్చర్స్ బ్యానర్‌పై కళానిధి మారన్ చిత్రాన్ని నిర్మిస్తున్నారు. మొత్తానికి హాలోవీన్ వేడుకల్లో అర్హ, అయాన్‌ల లుక్ ఇప్పుడు టాలీవుడ్ అభిమానుల్లో చర్చనీయాంశంగా మారింది.