ఉగ్రదాడి ప్రణాళికాకర్త ఇమామ్ ఇర్ఫాన్ అహ్మదే

సాక్షి డిజిటల్ న్యూస్:ఫరీదాబాద్ ఉగ్రమూలాల కేసులో ప్రధాన సూత్రధారి ఇటీవల జమ్మూలో అరెస్ట్ అయిన ఇమామ్ ఇర్ఫాన్ అహ్మదేనని తేలింది. జైషే మహ్మద్ నుంచి ప్రేరణ పొందిన అతడు ఫరీదాబాద్‌లోని వైద్య విద్యార్ధులకు బ్రెయిన్ వాష్ చేశాడు. వారిని పూర్తిగా ఉగ్రవాదం వైపు నడిపించడమే లక్ష్యంగా తరచూ జైషే వీడియోలు చూపించాడు. ఢిల్లీ పేలుడులో అనుమానితుడు డా.ఉమర్, ఇప్పటికే అరెస్ట్ అయిన డా.ముజమ్మిల్, డా. షాహిన్ ఇతడి కంట్రోల్ లోనే ఉన్నట్లు సమాచారం. ఇమామ్ ఇర్ఫాన్ అహ్మద్ వైద్య విద్యార్థులను సమూలంగా మార్చడంలో కీలకపాత్ర పోషిస్తారని, అతను వారిపై తీవ్రవాద భావజాలం వైపు నెట్టాడని పోలీసుల విచారణలో వెల్లడయ్యాయి. హర్యానాలోని ఫరీదాబాద్‌లో పోలీసులు, భద్రతా సంస్థలు ధ్వంసం చేసిన టెర్రర్ మాడ్యూల్ వెనుక సూత్రధారి ఇమామ్ ఇర్ఫాన్ అహ్మద్‌గా గుర్తించారు. ఇమామ్ ఇర్ఫాన్ అహ్మద్ జమ్మూ కాశ్మీర్‌లోని షోపియాన్ నివాసి. జమ్మూ కాశ్మీర్ పోలీసులు అరెస్టు చేసిన ఏడుగురు అనుమానితుల్లో అహ్మద్‌ కూడా ఉన్నారు. ఫరీదాబాద్‌లో ఆయుధాలు, బాంబు తయారీ రసాయనాలు స్వాధీనం చేసుకున్నారు. సోమవారం ఢిల్లీలోని ఎర్రకోట సమీపంలో జరిగిన పేలుడు ఘటనలో తొమ్మిది మంది మృతి చెందిన నేపథ్యంలో అరెస్ట్ చేశారు పోలీసులు.