‘ప్యారడైజ్’ నుంచి మెగా అప్డేట్! నాని ఫస్ట్ సింగిల్కు అనిరుధ్ మ్యాజిక్ రెడీ
సాక్షి డిజిటల్ న్యూస్ :నాని, శ్రీకాంత్ ఓదెల కాంబినేషన్లో ‘ప్యారడైజ్’ చిత్రం వచ్చే ఏడాది రానుంది. మార్చిలో విడుదల కానున్న ఈ మూవీకి సంబంధించిన షూటింగ్ శరవేగంగా జరుగుతోంది. ఈ క్రమంలో ఇప్పటి వరకు వదిలిన పోస్టర్లు, గ్లింప్స్ అన్నీ కూడా సోషల్ మీడియాలో అంచనాల్ని రెట్టింపు చేశాయి. ఇక ఈ చిత్రంలో విలన్ పాత్రకు సంబంధించిన గాసిప్ ఎంతగా ట్రెండ్ అయిందో అందరికీ తెలిసిందే. మోహన్ బాబు లుక్ కూడా మరింత హైప్ క్రియేట్ చేసింది. ఈ చిత్రానికి అనిరుధ్ అందించే మ్యూజిక్ అద్భుతంగా ఉండబోతోంది. నాని, అనిరుధ్ కాంబోలో వచ్చే పాటలన్నీ కూడా శ్రోతల్ని ఎంతగానో ఆకట్టుకుంటూ ఉంటాయి. ఇక ఈ ప్యారడైజ్ చిత్రంలోనూ అద్భుతమైన ట్యూన్స్ని అనిరుధ్ ఇచ్చినట్టుగా తెలుస్తోంది. ఈ చిత్రం నుంచి ఫస్ట్ సింగిల్ను విడుదల చేయాలని టీం ప్లాన్ చేస్తోందట. డిసెంబర్ మొదటి వారంలో ఈ ఫస్ట్ సింగిల్ను రిలీజ్ చేసేందుకు టీం రెడీగా ఉందట.మరి ఈ మేరకు ప్యారడైజ్ టీం నుంచి కన్ఫర్మేషన్ రావాల్సి ఉంది. కాకుల స్టోరీ అంటూ ప్యారడైజ్ చిత్రం మీద బజ్ను క్రియేట్ చేశారు. టైటిల్ పోస్టర్ చూస్తుంటే హైద్రాబాద్, చార్మినార్ బ్యాక్ డ్రాప్లో కథ సాగేలా ఉంది. ఇక ఈ చిత్రంతో దసరాని మించి బ్లాక్ బస్టర్ సాధించాలని శ్రీకాంత్ ఓదెల రెడీగా ఉన్నాడు. ఇక ఈ ప్యారడైజ్ తరువాత శ్రీకాంత్ ఓదెల అయితే మెగాస్టార్ చిరంజీవి ప్రాజెక్ట్ని పట్టాలెక్కిస్తాడన్న సంగతి తెలిసిందే.నాని అయితే ప్రస్తుతం వరుస హిట్లతో దూసుకుపోతోన్నాడు. చివరగా హిట్ 3 అంటూ మంచి విజయాన్ని అందుకున్నాడు. సరిపోదా శనివారం, హిట్ 2, హాయ్ నాన్న, దసరా ఇలా అన్నీ కూడా మంచి సక్సెస్లతో నాని దూసుకుపోతోన్నాడు. ఇక ‘ప్యారడైజ్’తో పాన్ ఇండియా రేంజ్లో నాని విజయాన్ని అందుకునేందుకు రెడీగా ఉన్నాడని అర్థం అవుతోంది.
SAVE