“పెళ్లి వేడుకలో ఆతిథ్యాన్ని కొత్త కోణంలో చూపించిన స్పా సేవలు – వీడియోపై ప్రజల స్పందన”

సాక్షి డిజిటల్ న్యూస్ :వివాహ వేడుకనా లేక లగ్జరీ స్పా కేఫ్నా అని ప్రజలు అయోమయంలో పడ్డారు. ఈ వీడియోలో అతిథులు సోఫాలపై హాయిగా కూర్చుని, కాళ్ళు చాచి ఉంచారు. యూనిఫాం ధరించిన సిబ్బంది వారికి ఫుట్ మసాజ్‌లు చేస్తున్నారు. అద్భుతమైన లైటింగ్, అందమైన, భారీ అలంకరణలతో అక్కడ పూర్తి వివాహ వాతావరణం ఉన్నప్పటికీ అందరి దృష్టి మాత్రం పూర్తిగా పాదాలపైనే ఉంది. సాధారణంగా పెళ్లికి వచ్చిన అతిథులు తినడానికి వరుసలో నిలబడి కనిపిస్తారు. కానీ ఇక్కడ పరిస్థితి దీనికి విరుద్ధంగా కనిపిస్తుంది. అతిథులు మొదట విశ్రాంతి తీసుకుంటారు. బహుశా ఆ తర్వాత భోజనాలు అంటే మరింత ఆనందదాయకంగా ఉంటుందని అని ఆలోచించారేమో. ఈ వైరల్ వీడియోలో అతిథులు హాయిగా పాదాలకు మసాజ్‌లు తీసుకుంటున్నారు. వీడియోతో పాటు ఉన్న క్యాప్షన్ ఇలా ఉంది.. ఇప్పుడు పెళ్లి వేడుకలు అంటే..కేవలం భోజనాలు మాత్రమే కాకుండా శారీరక విశ్రాంతిని కూడా పొందుతారు. ఇంటర్నెట్ ఇప్పుడు ఈ లైన్‌తో ఆకర్షితులవుతోంది.వీడియో వైరల్ అయిన వెంటనే కామెంట్‌ సెక్షన్‌ పూర్తిగా ఫన్నీ ఎమోజీలు, కామెంట్స్‌తో నిండిపోయింది. ఒకరు ఇలా రాశారు.. ఎవరో ఒకరు ప్రతిరోజూ ఇలాంటి వివాహాలకు ప్రజలను ఆహ్వానించండి అని రాశారు. మరొకరు, మా పెళ్లిలో కుర్చీలు కూడా సరైన స్థితిలో లేవు అని అన్నారు. కొంతమంది వినియోగదారులు దీనిని లగ్జరీ ట్రెండ్ అని పిలుస్తుండగా, మరికొందరు దీనిని అతిగా చేస్తున్నారని ఆరోపించారు.