వర్షాలు మొదలుకాకముందే ధాన్యం, మొక్కజొన్న కొనుగోలు చేయాలి – డా. దివ్య చందన

సాక్షి డిజిటల్ న్యూస్ , 28 మే, హైదరాబాద్, రమేష్ : తెలంగాణతో పాటు ఇతర వ్యవసాయ ప్రాంతాల్లో రైతుల ఆందోళనలు, రాజకీయ పార్టీల ఒత్తిడి పెరుగుతున్న నేపథ్యంలో, రిపబ్లికన్ పార్టీ ఆఫ్ ఇండియా (అథవాలే) జాతీయ మహిళా విభాగం ఉపాధ్యక్షురాలు, చారిటబుల్ వావ్‌మామ్ ట్రస్ట్ వ్యవస్థాపకురాలు, మిషన్ మోదీ రాష్ట్రీయ సంఘ్ తెలంగాణ రాష్ట్ర హెల్త్ & శానిటరీ చీఫ్ డా. దివ్య చందన ప్రభుత్వం వర్షాకాలం ప్రారంభమయ్యే ముందు వెంటనే ధాన్యం, మొక్కజొన్న కొనుగోళ్లు చేపట్టాలని బలంగా డిమాండ్ చేశారు. రైతులు ఎదుర్కొంటున్న ఇబ్బందులపై ఆందోళన వ్యక్తం చేసిన ఆమె, కొనుగోళ్లలో జాప్యం కారణంగా వేలాది మంది రైతులు కోత పూర్తైన పంటను కాపాడుకోవడంలో తీవ్ర ఇబ్బందులు పడుతున్నారని పేర్కొన్నారు. రానున్న వర్షాల కారణంగా బహిరంగ ప్రదేశాలు, కొనుగోలు కేంద్రాల్లో నిల్వ ఉంచిన ధాన్యం, మొక్కజొన్న పంటలు తీవ్ర నష్టానికి గురయ్యే ప్రమాదం ఉందని ఆమె తెలిపారు. రైతులు సంవత్సరం పొడవునా కష్టపడి పండించిన పంట వర్షాలకు దెబ్బతినకుండా ప్రభుత్వం తక్షణ చర్యలు తీసుకుని కొనుగోళ్లు వేగవంతం చేయాలని డా. దివ్య చందన ప్రభుత్వాన్ని కోరారు.